RECESS MUNA - mga kwento during breaktime!

Bakit nga ba sarap na sarap ang pinoy pagdating sa kuwentuhan? Tawanan, halakhakan, hanggang sa mahulog ito sa kanyang kinauupuan. Ito ang dahilan. Kaya tuloy napapasarap si kumpare sa inuman dahil dito, kaya ayun si kumander nanigas na sa kakahintay sa loko. 

Alam nyo ba na ayun nga sa survey na isinagawa ng isang international group ay natuklasan na bagaman at nakakasama pa rin ang mga Pinoy sa Top Ten ng pinakamasayahing tao sa mundo, unti-unti na tayong nalaglag sa hulian. Samantalang noong mga unang pagkakataon na isinagawa ang nasabing happy survey ay hindi tayo naaalis sa number two or three position?

Ano kaya ang ibig sabihin nito?

Nawawalan na ba tayo ng pag-asa at tuluyan ng nawawala ang ating sense of humor?

Iba pa rin ang pinoy, umulan man o bumagyo, taghirap man o tagpera sa buhay, tayo ay patuloy na magsasaya! Ganyan nga.. O h’wag kang iiyak dahil di kita pinapaiyak ha?

Mabuhay ka, este, magsaya ka Pilipino!

Tanong: Paano mo sasabihin sa tao na mataba s’ya nang hindi s’ya nao-offend? 

Sagot: Siguro ang lotion mo MANG TOMAS ‘no?

Fan ako ng tawa. Tawa ako nang tawa kahit anong ibatong joke sa akin. Mababaw lang talaga siguro ako. Minsan nga may nakapansin sa akin at tinanong na “Why are you always smiling?” naks naman, hayop na kinabog ako. Ito na ata ang tanong na nagpaiyak sa akin. Sige na nga, hindi po totoo yun, sa halip tumawa pa ako at naisip kong baka naman mukhang clown ako para sa kanya.

A naked girl on a taxi.

“Bakit?” the girl asked the driver na nakatitig sa katawan n’ya.

“Ngayon ka lang ba nakakita ng hubad?”

Driver: Hindi miss. Iniisip ko lang kung saan nakatago ang pamasahe mo…

Pilipino Funny Komiks. Bata pa lang ako (teka, mahahalata ang edad ko dito ah…) bumibili na ako nito. Sino bang hindi makakalimot kina Niknok, Lilit Bulilit, Planet opdi eyps, Superkat, Bulol en Tangak, Tiny Tom, DAX, Darmo Adarna, Mr. and Mrs. At marami pang iba na sa panahong iyon halata na ang kababawan ko sa komedya. Collector ako nito. Teka? Asan na nga ba mga yun?! Kung maibabalik ko lang… (ehem, kantahin mo ‘to..)

Pugad Baboy. (Aaminin kong college na ako dito.. ehe!) Silang mga karakter tulad nina Bob, Mang Tomas, Igno, Mang Dagul, Pao at syempre si Brosia  na feeling mo ay nasa loob ka ng mundo nila. Napapasabay ka sa kuwentuhang ukol sa pinoy life style, pulitika, at buhay aso. Tama! Isang aso na nagsasalita. Si Pulgas. Minsan iniisip ko, kung buhay lamang ang mga ito marahil walang tigil sa halakhakan ang mga pinoy. Hindi lamang siguro top one sa happy survey kundi champion pa tayo dito. Pol Medina, sinundan ko ang iyong drawing sa Inquirer at sa Tumbok tabloid (ehe.. maganda naman ang dyaryo na ‘to).    

Bobong Pinoy. Si Bob Ong na namiss ko sa internet. Si Bob Ong na nasundan ko sa lamang sa libro. Hanggang ngayon di ko pa nakikita kung sino ba talaga ng pagka-adik ko. Kakaiba ang hirit ni kuya. Sagad to the bones ika nga. Binili ko ang libro nya na parang wala nang bukas. Nagpanic buying ako. Binili ko silang lahat. Umiyak ako kinabukasan. Wala na pala akong allowance, ehe! Syempre joke lang para masaya. Magkita kita tayo minsan at isama mo si Chuckie Dreyfus (tama ba spelling?)

Nakatakas si Erap, FVR, GMA sa mga terorista

at nagtago sa mga sako sa isang farm.

Terorista 1: Anong nakita mo r’yan?

Terorista 2: Mga sako lang.

Terorista 1: Tignan mo ang laman!

Sinipa ng terorista ang unang sako,

“Meow”, sabi ni FVR!

Terorista 2: Pusa!

Sinipa ang pangalawang sako,

“Aw aw”, sabi ni GMA!

Terorista 2: Aso!

Sinipa ang ikatlong sako…

Walang tunog kaya sinipa uli ito nang sinipa ng terorista.

Dahil sa sakit, napasigaw si Erap.

“PATATAS!”

 

SMILE..

you don’t own all the problems in the world…

some of them are mine…